Правилник за информирање

 1.Рекламните и промотивмите материјали, како и информациите за курсевите треба да даваат вистинска слика за курсевите и активностите
 2.Училиштето треба да им даде на своите посетители јасни информации во врска со:
      -видовите курсеви и можните нивоа
      -точното времетраење и дати на курсевите
      -датите на кои е затворено за посетители и годишните одмори
      -големината и структурата на групите
      -јасни распореди  за редовните часови или часови што се одржуваат надвор од редовните простории
      - издавање уверенија за секој завршен степен по полагање на завршниот испит.
 3.Пред уписот, училиштето детално ги информира посетителите за точната цена на курсот, начините на плаќање, попустите, како и правото да откажат или прекинат посетување на курсот.

Правилник за вработени

1.Училиштето е должно да им даде на своите вработени јасни информации во врска со распределбата на одговорности и процедурите на комуникација
 2Училиштето е должно да има јасен опис  на секое работно место 
3Училиштето е должно да има јасна политика на селекција на наставен кадар
 4Училиштето е должно да обезбеди соодветен работен простор и средства за ефективно вршење на работните обврски за сите вработени 

Правилник за посетители

 Училиштето им гарантира на посетителите на сите курсеви по странски јазик:
 1.Целосна точност и вистинитост на сите јавно објавени информации во врска со бројот на часови по курс, број на посетители во група, старосни граници, цена на курсот и цена на други услуги
 2.Информации и совет во врска со видовите курсеви и испити
 3.Соодветни простории,библиотека и др. средства за учење јазици
 4.Прецизно тестирање за утврдување на ниво
 5.Високи наставни и образовни стандарди
 6.Структуриран тек на курсот, којшто е поделен на нивоа и е соодветен на потребите на посетителите
 7.Користење на современа методологија
 8.Наставници со висококвалитетна лингвистичка и комуникативна компетенција
 9.Соодветно и редовно следење на активноста на секој посетител при изучувањето на странски јазик
 10.Редовно набљудување на наставничката активност
 11.Задоволување на индивидуалните стилови и потреби
 12.Можности за добивање информации и совет во врска со индивидуалната работа и натамошно изучување на јазикот.